Princi

Duke analizuar historinë, ai u rekomandon njerëzve të jenë racionalë në veprimet e tyre politike, por, gjithashtu, vëren se një tiran i meriton të gjitha sharjet, ndërsa një themelues republike i meriton të gjitha lavdërimet. Këto ese vijnë në shqip për herë të parë.

Mbi Komplotet Dhe Ese Te Tjera

Një botim i ri i veprës klasike “Sundimtari” (Princi) të autorit politikan Nikolo Makiaveli, shoqëruar me një material gjykimesh mbi autorin nga personaliteti italian i shekullit 19, Ugo Foskolo, vjen i përkthyer dhe i pajisur me shënime nga Qemal Velija. Makiaveli dhe vepra e tij kanë hyrë në fondin klasik të literaturës politike dhe doktrinare, dhe kanë ngjallur debat të madh në botën studimore për shkak të parimeve realiste të tij të administrimit dhe qeverisjes. Shënimet që shoqërojnë botimin kanë shërbyer për të saktësuar mjaft koncepte që janë trajtuar në punimin e Makivaelit, ndërsa gjykimet e Foskolos i kanë dhënë një përmasë të re librit, pasi ai ka bërë një analizë të qëndrimeve të shumë autorëve të mëdhenj për tre shekuj mbi Nikolo Makiavelin.

Princi (sundimtari)

Princi Politika Dhe Kodi Moral

Goditja që i duhet bërë tjetrit nga princi duhet të jetë e tillë, që të mos rrezikohet nga hakmarrja e tij. 
Meqenëse njeriu nuk mund të jetë i pajisur me të gjitha ato (cilësi të mira) dhe as mund t’i përkushtohet atyre për shkak të natyrës njerëzore..., është e nevojshme që princi të jetë aq i matur, sa të dijë t’i shmanget famës së keqe të atyre veseve, që do t’ia nxirrnin duarsh shtetin dhe të shmangë ato vese, në pastë mundësi, që nuk do t’ia nxirrnin duarsh. Por, në qoftë se nuk do të ketë mundësi, le të mos e çajë shumë kokën për to.

Është më mirë që populli ta dojë princin, apo t’ia ketë frikën? Përgjigjja: do të qe më mirë që të ndodhte edhe njëra, edhe tjetra, por pasi është e vështirë të bashkohen të dyja, është shumë më e sigurt për princin që populli t’ia ketë frikën, sesa ta dojë.

Për njerëzit mund të themi përgjithësisht këto: janë mosmirënjohës, të paqëndrueshëm, me dy faqe, tinëzakë, ikës prej rreziqeve, lakmues të fitimit dhe gjersa u bën mirë dhe e kanë larg të keqen, janë të gjithë të tutë, të falin gjakun, pasurinë, jetën e bijtë, por kur afrohet e keqja, e kthejnë fletën.

Njerëzit shtyhen më shumë të dëmtojnë dikë që duhet dashur, sesa një tjetër që të shtie tmerrin, sepse dashuria mbahet nga një lidhkë detyrimi, e cila, meqenëse njerëzit janë të ligj, këputet në rastin më të parë të ndonjë dobie vetjake, por frika mbahet nga tmerri i ndëshkimit që nuk të lëshon kurrë.
Duke u kthyer edhe një herë në të qenët i dashur apo i drashtur, përfundoj se, duke qenë se njerëzit dashurojnë sipas ëndjes së tyre dhe frikësohen sipas ëndjes së princit, një princ i urtë duhet të bazohet mbi çka është e tija e jo mbi çka është e tjetërkujt.

Punë të mëdha kanë bërë vetëm ata princër që nuk ia kanë vënë fort veshin besës dhe që kanë ditur me dredhi t’ua turbullojnë mendjen njerëzve...

Njerëzit janë kaq të thjeshtë dhe kaq tepër u nënshtrohen nevojave të çastit, saqë ai që gënjen, ka për të gjetur përherë njerëz që të gënjejë.

Për ta mbajtur besnik ministrin, princi duhet të mendojë për të, ta nderojë, ta pasurojë, ta lërë të detyruar, ta bëjë pjesëtar në nderime dhe ofiqe, por në atë mënyrë që ai ta kuptojë se s’bën dot pa princin, dhe, që nderimet e tepërta të mos ta bëjnë të dëshirojë nderime të tjera; pasuritë e tepërta të mos e bëjnë të dëshirojë pasuri të tjera dhe ofiqet e shumta ta bëjnë t’ia ketë frikën ndryshimeve.

Nuk ekziston ndonjë vepër politike apo traktat politik të jetë përdorur, cituar dhe debatuar më shumë se Princi i Nikolo Makiavelit. I shkruar në shekullin XVI, me një qasje të re për kohën, përbën një nga veprat e para të filozofisë moderne, veçanërisht filozofisë politike. Prinri, dhuratë jo e rastësishme (ndaj 'qëllimi arsyeton mjetin') për Lorenco de Mediçin, trajton temat kryesore që preokuponin princat; të kuptuarit dhe llojet e principatave, fitimi dhe ruajtja e tyre, çfarë (nuk) duhet të bëjnë princat; çdo gjë që - një njeri që ka pushtet ose dëshiron të fitojë — duhet të ketë parasysh. "Në shumicën e rasteve, ata që duan t'i hyjnë në zemër një Princi e kanë për zakon që të ofrojnë ato gjëra që i vlerësojnë si më të dashurat për ta ose që vërejnë se i pëlqejnë më tepër Princit; për këtë arsye shumë herë shohim të ofrohen kuaj, armë, coha të arta, gurë të çmuar dhe stoli të tilla të denja për madhështinë e një princi. Duke dashur pra une që t'i ofroj Madhështisë Suaj ndonjë dëshmi të dëshirës sime për t'ju shërbyer, nuk gjeta mes pasurive të mia asnjë gjë që ta çmoj apo ta vlerësoj më shumë sesa dijenitë lidhur me veprat e njerëzve të mëdhenj, të mësuara nga une falë një reflektimi të gjatë mbi ngjarjet e epokës moderne dhe një studimi të vazhdueshëm mbi ngjarjet e së shkuarës: tanimë po jua dërgoj juve, pasi që i kam shqyrtuar me shumë zell, kam medituar lidhur me to dhe i kam përmbledhur në një vëllim të vogël. Dhe, ndonëse e gjykoj të padenjë për t'u paraqitur para jush kjo vepër, megjithatë kam fort besim se falë përmbajtjes së saj, ajo do të bëhet e pranueshme duke konsideruar se nga ana ime nuk mund t'ju bëhet dhuratë më e madhe, se të krijuarit për ju të mundësisë që brenda një kohe tejet të shkurtër të kuptoni gjithçka që une, përgjatë shumë viteve dhe mes aq shumë vështirësive dhe rreziqeve, kam njohur dhe kuptuar. Dhe ta dini që nuk e kam stolisur këtë vepër me periudha retorike dhe me fjalë pompoze e madhështore ose me çfarëdo joshjeje tjetër apo stolie pavend, gjëra me të cilat shumëkush i mbush dhe zbukuron veprat e veta; sepse une kam dashur fort që asgjë të mos e hijeshonte këtë vepër, dhe që veçse risia që ngërthen në vetvete argumenti dhe rëndësia e subjektit për të cilin flitet ta bëjnë atë të këndshme".

Lista e librave të autorit Niccolo Machiavelli

Princi

Mbi Komplotet Dhe Ese Te Tjera

Princi (sundimtari)

Princi Politika Dhe Kodi Moral

Princi

Princi

Princi

Mbi Komplotet Dhe Ese Te Tjera

Princi (sundimtari)

Princi Politika Dhe Kodi Moral

Princi

Princi